Règulas

 Su giocu est sichiu dae “su contadore” su chi contat sos puntos, e dae s’àrbitru, chi depet fàere errespetare su regulamentu.

  • sas manos depen esse ammostradas in manera crara chi s’ìdana bene e chi
    non sìene postas de istùturu
  • sa boche depet esse crara e chi si cumprendat su nùmeru bocau a campu
  • est proibia sa murra ‘ita, non si podet narre su nùmeru a pustis chi s’àteru isfidante at giai bocau a campu su pùddiche
  • non si podet ofende o allecae male a su contadore, a s’àrbitru e a s’isfidante
  • chi ambas duas sas còpias lompen a unu puntu dae sa bìnchida, si torrat a giocae
    una partida de 5 puntos
  • su chi naran su contadore e s’àrbitru si podet cuntestare una bia sola,
    ma su chi issos naran a pustis depet esse errespetau, non si podet prus cuntestare
  • chine no errespetat su chi decidet s’àrbitru o su contadore benit deretu bocau a foras dae su campionau

Subenimus a totu sos ammicos chi benin a giocare a Orthullè, ca s’iscopu de custa festa est cussu de si divertire e de s’obiare tra omines, biddas e pòpulos diferentes.
Su Sòciu po su jocu de sa murra, paris chin sos àrbitros de su campionau poden decide de che bocare dae sa gara o de non dàere sos prèmios a cussos giocadores o cussas còpias chi ofenden in calesisiat manera, su pùblicu, sos contadores, sos àrbitros o sos isfidantes.