SU JOCU DE SA MURRA

Bene 'ennios in su jassu de su jocu de sa murra.
In custu jassu -su primu nàskiu in su web a pit''e custu jocu- si poden acatae 'as informatziones a pit''e sa murra, su campionau sardu de sa murra e medas ateras novas.
murra: jocu anticu e populare, jai nòdiu a ‘os Egitzianos, Grecos e Romanos -custos urtimos du muntian micatio, est galu jocau in medos locos e mascamente in Sardinna.

Comente si jocat:
duos jocadores bocan paris unos cantos poddikes, e depen narre in su matessi tempus unu nùmeru dae duos a deke (murra). Binket su puntu kine incertat su totale de ‘os poddikes bocaos dae ambos duos jocadores; kin su sistema partida-ribìnkida-bella binket sa partida kine lompet po primu a su nùmeru de puntos disinnau innanti (16 in sa partida e sa ribinkida, 21 in sa bella) e binket s’isfida kine 'inket duas partidas de tres. 

Ma no est obricu a jocae unu contras a unu; duas iscuadras cumpostas dae duos cumpanjos si poden isfidae su matessi; tando, duos jocadores cumencian sa partida, su ki 'inket sa manu sikit a jocae fintas a perde.


Custu jocu cantu est connotu est dificili, ca no est una brulla a abarrare abistu, e a gherrae a cumprende sa jocada de s'àteru. Duncas, tocat a jocae meda po si faere esperièntzia e allestrae ‘os riflessos.


Po ateras informatziones: Wikipedia »» murra